َهل الدولار هيزتفع ام ينخفض؟

 

ليه سعر الذهب غلي والدولار نزل ؟ وهل هيستمر سعر الدولار في النزول ؟    السؤال ده اتكرر كتير الفترة الماضية 

# اولا : العلاقة بين سعر الدولار وسعر الذهب علاقة عكسية اذا زاد الذهب قل الدولار والعكس ...

# خلينا في التحليل الأساسي .. في مؤشرات اقتصادية بتصدر بشكل شهري بتقيس النشاطات الموجودة في السوق الامريكي أهمها مؤشر اسعار المستهلك ( consumer price index/ CPI ) بيعمل ايه المؤشر ده يامولانا ؟! بيجيب سلة من السلع والخدمات ( basket of goods and services ) ويشوف سعرها مقارنة بالشهر الي فات .. لو افترضنا ان الشهر الي فات قيمة المؤشر كانت ١٠٠ نقطة والشهر الحالي بقت ١٢٠ يبقى ايه الي حصل ؟ حصل تضخم مقداره ٢٠٪‏ يعني الناس بتشتري والحاجات سعرها زاد ... برضه ايه العلاقة ؟ لما الطلب بيزيد الأسعار بتزيد ولما الأسعار تزيد القوة الشرائية هتتآكل ولما القوة الشرائية تتآكل البنك المركزي هيتدخل ويرفع سعر الفايدة عشان يحجم التضخم ولما البنك المركزي يرفع الفايده قيمة العملة تزيد بالتالي يزيد الطلب عالعملة وبالتالي الدولار يرتفع 

# الي حصل في امريكا العكس ... مؤشر اسعار المستهلك سجل انخفاض ( -0.1) ... يعني معندهمش تضخم ؟ اه معندهمش تضخم بس للاسف مفيش حاجة حلوة بتكمل في الاقتصاد .. ازاي ؟ لما ينخفض مؤشر اسعار المستهلك بيديك تصور عن الناس الي عايشه في امريكا ان معندهمش شهية الاستهلاك وبالتالي الناس مش هتحتاج فلوس وبالتالي مفيش تضخم نتيجة زيادة الطلب وبالتالي البنك مش هيرفع الفايده وبالتالي سعر العملة مش هيرتفع ... 

# ارتباط السوق بمؤشر اسعار المستهلك قوي وبيتم الإعلان عنه شهريا ( تحديدا في النصف الثاني من الشهر )     

# هل المؤشر ده دقيق ؟! 

 

الحقيقة في مؤشر ادق منه اسمه مؤشر اسعار المستهلكين الأساسي ( core CPI ) .. ايه الفرق بينهم ؟ في مؤشر اسعار المستهلكين الأساسي لا يتم احتساب ذات الأسعار المتقلبة بشكل كبير زي المواد الغذائية والطاقة .. غالبا التغير في أسعارهم حاد وبالتالي تؤثر على قيمة مؤشر اسعار المستهلك ... طيب ده عمل ايه الشهر الي فات ؟ مؤشر اسعار المستهلك الامريكي انخفض بواقع ٢٠ نقطة أساس ( 0.2% ) عن المتوقع .. كان المتوقع ( 1.9% ) والي أتحقق ( 1.7% )   

# هل سيستمر السعر في النزول ؟! طبعا صعب الجزم بالاجابة لكن خلال الأيام الماضية تم شراء عقود خيار put options بقيمة ٦ مليار دولار للحماية ضد مخاطر نزول الدولار تعتبر الأعلى من ٢٠٠٩ العقود دي معناها ان الي بيشتريها بيكسب لو الدولار نزل بس لو الدولار طلع هيخسر قيمة شراء العقد فقط ... وعموما في البورصة مبدأ بيع بعدين اسأل ( sell then ask ) !